開班啦！開班啦！開班啦！中小企業淘寶電商培訓計劃（入門班）終於喺澳門開班授徒啦。為咗滿足廣大讀者（小編真的不是去偷聽），小編特別深入教場窺探課堂神髓。
電商心法
淘寶大學嘅紫青老師傳授咗要成為一個成功電商必備嘅三大入門心法~
電商必備
1
逆位思考
2
服務精神
3
誠信經營
開店真經
電商初哥應該優先考慮個人店舖，因為其他類型嘅店舖都對企業類型、資本以及是否具有品牌授權等有多種要求，牽涉嘅成本較高，對初哥嚟講比較高級～
要練就一身好武功，點都要純熟運用數據化管理工具，仲要記得以下呢兩句口訣！
點擊率＝點擊量/展現量ｘ%
轉化率＝成交訂單數/訪客數ｘ%
發佈要義
每件神兵都有一個響噹噹嘅名號，同樣，一件好嘅產品都需要一個傳神嘅名字，老師提醒同學要留意內地同澳門可能有唔同叫法，例如：手指、火牛、頸巾係內地會有另外一個叫法，大家要注意啦。另外，產品標題有字數限制，用字要深思一下，盡可能描述到產品特性同外觀，咁先容易被人搜索到。仲有，產品圖片往往係最吸睛嘅，上傳之前記得PS一下噢。
客服套路
一個功力深厚嘅賣家除咗有優秀嘅產品之外，貼心嘅客服都係不可或缺?~
蛋蛋老師教路
1
回答客戶要親切
2
問答對等
3
拒絕要委婉
4
不誇大產品
5
不亂承諾
課堂總結
紫青老師提醒各位學員從事電商一定要有“互聯網思維”，信任就係互聯網時代嘅核心，要促成交易一定要對顧客信任，唔老實的顧客只係少數，對顧客缺乏信任就無辦法開展互聯網業務。佢仲叮囑同學要提升對數據的重視，利用數據化思維去提升經營質量。
課堂花絮
最後，我地一齊睇下課堂花絮啦！
下期預告
經過老師一番提點，相信同學們嘅修為應該大有長進。下周會有導師同其他師兄弟嘅心得分享，各位記得密切留意啦！
赞赏
长按治白癜风的医院哪里好北京治疗白癜风最好十佳医院
转载请注明：http://www.chinatoystradenet.net/dspxtd/10562.html
当前位置： 电商培训 > 电商培训资讯 > 課堂實錄淘寶電商課程精彩回放
